兵人要塞

标题: 太陽報－HT赤膊史泰龍　Man到痹 [打印本页]

作者: 广阔的宇宙 时间: 2010-11-13 14:20
标题: 太陽報－HT赤膊史泰龍　Man到痹
唔到你唔服，已屆64高齡嘅「龍哥」史泰龍，唔只自編、自導、自演動作巨片《The Expendables》（港譯《轟天悍將》），而且Rambo上身，大部分動作鏡頭都唔用替身自己上，粉絲睇見自然過癮，就算非Die Hard Fans都要寫個服字；唔怪得今次Hot Toys炮製嘅Barney Ross，可以話出盡12成功力，面相神似唔在講，仲連戲中嘅紋身都跟到足，用呢款新Figure向龍哥致敬，絕對冇失禮！史上最神似頭雕
眾所周知，HT團隊好多人係龍哥粉絲，由《Rambo》三部曲到《Rocky》第三、四集，都有出龍哥Figure，自然累積豐富經驗，今次炮製嘅新頭雕，功力又進一步，由Kojun雕刻、JC. Hong上色，輪廓更逼真、準確之餘，就連有歲月痕迹嘅眼紋及法令都照跟足，加埋精細嘅皮膚質感，以及睿智與滄桑感兼備嘅眼神塗裝，唔只Show到Ross嘅老兵本色，仲係目前Figure界最Update、最神似嘅龍哥頭雕。

Hot Toys MMS 138《The Expendables》 1/6 Barney Ross零售價：$1,080預訂價：$1,050推出日期：今年第四季至明年首季＊圖中為試辦款式，與正式版或有少許分別。

上半身用咗Whiplash嘅素體設計，令心口、背脊同膊頭都印到紋身。

危急時，Ross會拔出腰後嘅左輪還擊，HT又點少得呢件重要道具！

便服Look跟足劇情，簡簡單單已經好型，如果有埋飛車着嗰件格仔衫就更完美。

一盒Boxset三個Look
交代少少背景先，話說龍哥飾演嘅Ross，係僱傭兵團嘅核心主將，除咗全身Special Force咁款去打海盜及正規軍，仲會換便服喬裝遊客，深入敵陣偵察軍情，HT嘅Ross唔只有齊呢兩套衫，仲Show到第三個Look—紋身Look；如果你睇咗《The Expendables》，實記得Ross搵Mickey Rourke飾演嘅Tool幫佢紋身，尤其是背脊仲未紋完嘅Expendables Logo。又要大隻、又要關節靈活，仲要印到紋身，一般嘅硬膠或包膠Body都幾難兼顧周到，好彩有製作《Iron Man 2》嘅Whiplash經驗，今次就用Whiplash嘅素體再作改良，令Ross赤膊上陣都一樣咁型、Man到痹！