~解放暴政的奴隸~ ACI Roman general : Maximus 麥西莫斯

godofcat · 发表于 2013-3-1 00:27

本帖最后由 godofcat 于 2013-3-1 00:59 编辑

~解放暴政的奴隸~ ACI Roman general : Maximus 麥西莫斯

話說過年後已著手準備替呢盒Gladiator影相, 不過組好甲後至發覺斗篷實在太多摺痕, 見不得人.

於是開燙斗燙好, 跟手又燙埋背景布, 咁就無左半朝...

接落嚟又有盒gunbuster想優先處理, 拖拖下就到今日.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

先講結論, 本品適合有時間有能力細心修補打理FIGURE的玩家. 上完件執好玩得靚的話非常有成功感.

人偶本身整體外觀靚, 頭雕出色有神, 毛皮披風造工好, 護甲金屬感及雕刻一流.

可動亦佳, 肩甲真正一節節分開不防礙手臂活動. 布料不錯. 金屬雙劍好玩有份量. 頭盔植毛有質感.

講番盒野. 好多人插佢胸唔啱, 對小弟呢d玩開兵人嘅, 小事一單. 因為是軟膠, 所以熱水軟化都唔使, 直接用AA膠粘合即可.

個人認為ACI係開模前應是該是無問題的, 但就失敗在無預膠件收縮. 有砌模型就知, 膠件啤好後會收縮, 所以大面積的平面都要打磨上灰. 我估ACI就係低估今次用的軟膠收縮變型程度, 以致胸甲難以安裝.

肩甲與胸甲駁位易甩, 建議粘死.

斗篷跟官圖, 係肩甲第二三節之間收入後背的話不夠好睇, 所以小弟於肩甲第一節前屈入胳臂窩再於背脊打結.

鞋方面個人認為都有跟時代背景制作, 可以接受, 仲有皮製鞋帶添. 但全隻鞋一件過啤膠, JOINT位無內膽, 令關節強度不足...

但褲子就真的太短了, 因為有裙甲關係, 所以小弟將褲子拉得低無可低, 好似著開浪褲一般, 於是腳腂位終於有布蓋住, 好睇好多.

全身裝飾用假金屬小件易甩, 小弟一要一件一件的粘好.

備用手JOINT要自行加粗, 敗筆. 素體身型再高一點會更美型.

整體來說, 單是外觀及可玩性已經值回票價, 但細節粗枝大葉, 說是年度記念作是有點兒拆自己招牌了....