東方日報－宇宙最強12吋真人Show

广阔的宇宙 · 发表于 2010-9-28 00:47

「中國人唔係東亞病夫！」講得出呢句豪情壯語，唔使問阿貴都知係陳真；只不過今次演員唔係李小龍，而係「宇宙最強」甄子丹。而一向愛為華語電影推出Figure的Enterbay，繼上次葉問後，再次與丹爺合作推出《精武風雲》版陳真，無論頭雕服裝都跟足電影，活脫脫是次「真」人Show！
<H3>眼神添殺氣</H3>
今年係「一代武打巨星」李小龍先生70歲冥壽，相關紀念活動一浪接一浪，而當中由甄子丹飾演、劉偉強執導的《精武風雲》更係年度戲肉。之前曾跟丹爺合作過葉問Figure的Enterbay，當然不會放過塑造人偶的機會。頭雕方面，繼續由J.Y. Park操刀，在吸取過葉問的經驗後，今次大師的雕工更上一層樓，觀乎樣辦的毛孔、細紋及雙眉都與真人無異，而且雙眼多了股殺氣，個人認為比神情若定的葉問更為神似。最抵讚是今次係頭連頸一併製作，令外觀有更佳的完整性。

中國人唔係東亞病夫！（設計對白）
售價︰$1,180

广阔的宇宙 · 发表于 2010-9-28 00:49

頭雕比葉問更加甄子丹，而且雙眉緊鎖夠殺氣！如有埋戲中「二撇雞」Look就正了！

新ABS素體好處係夠靈活，可惜冇肌肉紋理且關節外露，想爆衫都唔得。

<DIV>細緻到連袖口鈕都做埋，而且花紋跟足戲服，抵讚！</DIV>

广阔的宇宙 · 发表于 2010-9-28 00:55

<H3>青蜂俠上身</H3>
相對於舊版，今次《精武風雲》裏的陳真多添了時代感，曉彈琴溝女之餘，夜晚仲會化身「天山黑俠」儆惡懲奸。為此Enterbay亦特別裁製兩套服裝，一套是傳統的全白中山裝，玩家可重演陳真飛身迎亂槍一幕；另一套則係黑衣、眼罩連賊仔帽的天山黑俠裝，穿上後猶如青蜂俠上身。據官方透露，今次用料比上次李小龍版青蜂俠更講究，例如帽子便由布料及膠件合成，比以往純布料挺身得多。

提供白色中山裝及天山黑俠兩個造型，後者為仿真皮，緊身得嚟有虛位，擺甫士唔使就住。

眼罩貼面，背後更有橡筋，唔怕滑落。

<DIV>配件比較失色，只怪陳真唔識用槍。</DIV>

广阔的宇宙 · 发表于 2010-9-28 00:59

<H3>丹爺天天關注</H3>
今次沿用葉問時開發的全新ABS素體，關節數量多達15個，就算凌空飛踢都冇問題！惟要彈的是Body表面略嫌過於平滑，一點肌肉紋理也沒有，追求Human-being的驗屍官一定又會喪鬧。配件係另一失色之處，只有4對可換手掌連一碌雙節棍，地台亦僅是普通貨色，建議玩家另購補品了。特別一提，此Figure交由丹爺過目後，對方已一口氣預留10隻自己玩，而且還天天喺微博Post造型照，Fans未訂前可上網先行關注！