東方日報－「血」仍未冷 City Hunter Predator

广阔的宇宙

再慳家嘅《Predator》粉絲，想必也擁有一、兩款血獸Figure吧？尤其是Hot Toys的12吋作品，造型稱得上鬼斧神工，因此每逢新作推出都例必炒起。若閣下以為Predator已出得七七八八，便大錯特錯！事關廠方日前再為《Predator 2》電影推出2.0高清版，由頭雕、素體到武器都重新製作，加埋藥箱等配件，誓要令玩家們的荷包流血不止！
2.0高清版
由最早期嘅《Predator》電影，到之後嘅《Predator 2》、《Alien VS Predator》等，Hot Toys大大話話出過10款以上血獸。正因為血獸曉生金蛋，所以廠方再把它以2.0高清版重現人間，而今次的12吋City Hunter Predator正是頭炮。
回溯2008年的舊版，當時製作技術尚未成熟，以致Figure頭重腳輕兼擁有一條「誘人」黃蜂腰。今次再版，造型師Joseph Tsang第一步便改良素體設計，先是重繪血獸身上的蜥蜴花紋，並刪去腰關節，令胸部及腰部呈現一體化，配合新織網衫，感覺自然得多。頭雕亦是新製，面相更為猙獰；最重要是血盆大口備有開、合兩款組件替換，像真程度爆燈！唯一要彈係頭盔質感太過粗糙，若光滑一點會跟電影更一致。

圖為試辦款式，與正式推出的版本或有若干分別。

採用新製Body，花紋重繪，並提供22個關節。

藥箱可以打開，但由於內裏的金屬儀器太細，不能拆下。

頭盔表面稍嫌粗糙，電影裏面光滑得多。

辮子頭用軟膠製作，比舊版更有層次感。

附送氧氣罩，留意它只適用於此Figure。

人類頭骨連脊骨原條奉上，但比例好似細了點。

送橢圓形地台及6隻可換手。

DeutschArmy

这部被忽略的电影其实很好看！

吉良吉影.鸦

帅呆